водопад в гуще леса

Кышның ак бураннарына

Буран дус, син бигрәк инде,

Бөтенләй котырындың.

Гомер кар көрәмәгәнне

Көрәккә тотындырдың.

 

Ишекләрне сылап куйдың,

Ачып чыкмаслык итеп.

Ишек алдын күмеп киттең.

Түбәгә тигез итеп.

 

Яратам исәр кешедәй,

Ду килеп йөргәнеңне.

Кар-буранга, ак бәсләргә

Бар җирне күмгәнеңне.

 

Кышның ак бураннарына

Нигә шулай гашыйкмын.

Күңелләр дә, тәбигать тә

Пакьлана икән кышын.

гыйнварь 2014 ел.

автор:Кадрия Гатина

Кышкы төн

Сихерләндем зәңгәрсу аклыктан,
Битләремә йомшак кар төшә.
Аяк асты ак хәтфәдән йомшак,
Төнге урам үзенә дәшә.

 

Әкрен генә тын һавада бии,
Берсен-берсе куып ак сәйлән,
Кар кызлары белән кочаклашып,
Уйнап йөрүем әйлән-бәйлән.

 

Кышның хозурлыгын, матурлыгын
Тиңләп булмый һичбер фасылга.
Карлар ява, ак-Пакь карлар ява,
Нинди хикмәт, сыймый акылга.

 

Батам, чумам, йөгереп көрткә авам,
Җүләрләнеп кочам буранны.
Фонарьлардан карлы нур сузыла,
Чагылдырып төнге урамны.

 

2014 февраль

автор:Кадрия Гатина

И буран дус

И буран дус
Син иректә бүген
Күрсәтәсең дә соң котырып
Үкерүең тыңлап хозурланам
Тәрәз төпләренә утырып

Бу кышның син беренче бураны
Бик тә бик тә сине сагындым
Урам буйлап синең белән бергә
Шаярып йөрергә талпындым

Бик чыгасым килә синең янга
Буранлы төн ай-һай тылсымлы
Утлар сүнгән, кар яктысы аша
Шәйләнә буранның шомлыгы.

Тәрәзәмә учлап карлар бәреп
Юк, чакырма, бүген чыгалмыйм.
Синең белән көч сынашыр өчен
Егәрем җитмәсен чамалыйм.

И буран дус, бигрәк яратам шул
Кышның шушы шаулы көннәрем.
Бүген дә бит сине күрер өчен
Шәм яндырып үтә төннәрем.

25-26 12.12

автор:Кадрия Гатина

Елак фасыл

 

Гаҗәп кенә бу көз... ышанычсыз,
Кырык алдар адәм диярсең.
Кояш нурын сибә, көз елмая,
Урамнан һич килми керәсе
Ул да булмый, җитез качкын төсле,
Кояш бик тиз кача, югала.
Күз яше коючы елак кыздай,
Көн каш-күзен җыерып ала.
Салкын тамчы сискәндереп куя,
Бит очларын ялый яратып.
Ул да булмый боздай яңгыр коя
Җир йөзенә сагыш таратып.
Кинәт килеп чыккан җитез җил дә
Үз эшенең чып-чын остасы.
Болытларны куа, сибелә нур.
Ачылгандай күкнең капусы.

Елның елак фасылы дип сине
Иркәлисем килми кочакта.
Җылытмыйсың, салкын яңгырыңда
Ягып булмый хәтта учак та.

октябрь 2012

автор:Кадрия Гатина

Кышка табан.

 

Тәрәзәдән җил үкерә,
Ачу белән суык өрә,
Ярыкларны саный саный.
Җикеренеп эчкә керә.

Матур көзләр үтте инде,
Салкыннары җитте инде,
Сары,кызыл яфракларны,
Төрле якка сипте инде.

Табигатьне чишендерде ,
Бар адәмне киендерде,
Көз көзлеген итте бугай,
Кышка ишек ачты шулай.


Октябрь 2012г

автор:Кадрия Гатина

Көзге сагыш

 

Бар да яхшы, бар да әйбәт,
Шөкер итмәслек түгел.
Әмма эчне нидер тырмый,
Сискәнеп куя күңел.

Әллә көзге яфрак җиргә
Моң булып кагыламы?
Әллә үткән истәлекләр
Җыр булып агыламы?

Куллар үрелә каләмгә
Нәрсә уйлап, ни кирәк.
Я ашкына, я ашыга,
Я кысып ала йөрәк.

Нәрсә аны ашкындыра,
Кая, кемгә ашыга?
Миңа буйсынмаслык бер көч
Йөгерә күк каршыга.

Ул көч били күңелемне,
Үземне, барлыгымны.
Ача миннән сорамыйча
Күңелем сандыгымны

Ачык сандыктан куышып
Агыла хәтирәләр.
Бар дөньямны аңлашылмас
Бер халәткә күмәләр

Моң булып түгелә серләр,
Туктатыр җай табалмыйм,
Җыр булып тезелә сүзләр,
Көйгә генә салалмыйм.

Җырга салган серләремне
Кем генә аңлар икән?
Тынмас иөрәгем буйсынып,
Тынгылык табар микән?!

автор:Кадрия Гатина

Буран котыра.

Буран котыра.
Өйдә утырам.
Юк, ятам икән,
Әле бик иртә –
Төнге өч кенә.

 

Җил тәрәз кага.
Бирми йокларга.
Я учлап ап-ак
Кар алып бәрә.
Җиңелчә генә
Сөлкенә пәрдә.
 

 

Карлы-буранлы
Табигать дәшә.
Көрт- өемнәрне
Юмарт өләшә.
 

 

Бу матурлыкны
Күрми түзалмыйм.
Әй, карлы-буран,
Хәзер чыгам мин.
 

 

Икәү йөрербез
Төнге урамда.
Каршы йөгерә
Әнә февраль да.
 

 

Январь бабайның,
Салкын агайның
Бу төн соңгысы.
Әллә шуңамы
Килми йоклыйсы.
 

 

Капка төпләрен
Кар белән өя.
Көрәк тотмыйча,
Кермәссең өйгә.

31 гыйнварь 2011 ел

автор: Кадрия Гатина

Көз

Салкын көз килә

Сагышы белән.

Кара болытлар

Агышы белән.

Кай ара шунда

Кояш елмая.

Зарлы күңелгә

Бер өмет сала.

Салкын җил исеп,

Ыҗгырып ала.

Күңелгә кереп

Шомлы хис кала.

Яңгыр шыбырдый,

Түбәне кага.

Тишек түшәмнән

Тамчылар тама.

Буранлап ява

Көзге боз – яңгыр.

Йөрәк кысыла,

Җир сулый авыр.

Карага көеп,

Бакча сузылган.

Яфраклар гүя

Яшькә коенган.

Җилгә кушылып

Табигать елый.

Бәндәләреңне

Кичер дип сорый.

Кичер дип сорый

Тик бер Аллаһтан.

Барысын, кем бүген

Гөнаһка баткан.

Болыт астыннан

Кояш нур сибә.

Күз яше аша

Тәбигать көлә.

18 сентябрь 2007 ел

автор: Кадрия Гатина

 

Салкын көз килә

 

Сагышы белән.

 

Кара болытлар

 

Агышы белән.

Кай ара шунда

 

Кояш елмая.

 

Зарлы күңелгә

 

Бер өмет сала.

 

Салкын җил исеп,

 

Ыҗгырып ала.

 

Күңелгә кереп

 

Шомлы хис кала.

Яңгыр шыбырдый,

 

Түбәне кага.

 

Тишек түшәмнән

 

Тамчылар тама.

 

 Буранлап ява

 

Көзге боз – яңгыр.

 

Йөрәк кысыла,

 

Җир сулый авыр.

 

Карага көеп,

 

Бакча сузылган.

 

Яфраклар гүя

 

Яшькә коенган.

 

 Җилгә кушылып

 

Табигать елый.

 

Бәндәләреңне

 

Кичер дип сорый.

 

 Кичер дип сорый

 

Тик бер Аллаһтан.

 

Барысын, кем бүген

 

Гөнаһка баткан.

 

 Болыт астыннан

 

Кояш нур сибә.

 

Күз яше аша

 

Тәбигать көлә.

 

 

 

Кышның ак бураннарына

 

 Буран дус, син бигрәк инде,

 

Бөтенләй котырындың.

 

Гомер кар көрәмәгәнне

 

Көрәккә тотындырдың.

 

 Ишекләрне сылап куйдың,

 

Ачып чыкмаслык итеп.

 

Ишек алдын күмеп киттең.

 

Түбәгә тигез итеп.

***

 

 Яратам исәр кешедәй,

 

Ду килеп йөргәнеңне.

 

Кар-буранга, ак бәсләргә

 

Бар җирне күмгәнеңне.

 

Кышның ак бураннарына

 

Нигә шулай гашыйкмын.

 

Күңелләр дә, тәбигать тә

 

Пакьлана икән кышын.

 

 ***

 

Саубуллашты галәм җир-су белән

 

Көзнең соңгы елак көнендә.

 

Күз яшьләре булып акты яңгыр

 

Туктамыйча көнен-төнен дә.

 

Давыл булып гайрәтләнде көз дә,

 

Агачларны бөкте, сындырды.

 

Кара төндә түбә өсләренә

 

Таш-түмәрләр алып тондырды.

 

Күк йөзендә пәйда булып торды

 

Бер-бер артлы кара болытлар.

 

Күз яшедәй тамып-агып төште

 

Җир өстенә сары сагышлар.

 

Соры көзнең салкын күз яшьләре

 

Алып килде Әфган авазын.

 

Набат булып,

 

Күңелләрне айкап,

 

Китерде сугыш кайтавазын.

 

Күкнең төбе тишелдеме әллә.

 

Коя яңгыр, коя буранлап.

 

Дуласа да, соңгы көне инде,

 

Кыш сагалап тора урамда.